علّم طفلك ازاي يكون ذكي اجتماعيا

علّم طفلك ازاي يكون ذكي اجتماعيا وازاي ينجح مع الناس؟ 

 مثلا :- 


لو جالك ف يوم يشتكي من زميله ف المدرسة ضربه او قاله كلمة مش حلوة

متقولش اللي ضربك اضربه
اللي يقولك كلمة قوله عشرة
ولا حتى تقوله اشتكي للمدرس

اسأله :-
زميلك عمل كده ليه ؟
هل انت ضايقته ؟
هل رديت عليه ؟
هل أخدت حاجة بتاعته ؟
هل المدرس كرّمك فهو غيران منك ؟

سيبه يحكي اللي حصل وأسأله أسئلة توضح الموضوع اكتر
عشان يتعلم طريقة التفكير في المشكلات وازاي يحلها

بعدها ناقشه عشان يعرف إن مش على طول الناس هي اللي غلط
وان حتى لو الناس غلط ازاي يتعامل معاهم بطريقة صح تضمن له حقه بدون من نظلمهم

ناقشه عشان توسع مداركه ويتعلم ازاي يفكر في المواقف المختلفة اللي بيتعرض لها

بدل ما تقدم لابنك حل جاهز للمشكلة
نعلّمه يفكر في المشكلة ونعلّمه ازاي يفكر بنفسه ف حلول ليها
حسس ابنك انك ممكن تساعده او عندك حل لكن أجّله ..خليه هو يفكر الاول

الموقف ده مجرد مثال صغير لمشكلة ممكن تواجه ابنك
مواقف ابنك في المدرسة أو النادي هي مواقف مصغّرة للحياة

علّم ابنك الذكاء الاجتماعي
علّم ابنك الحياة

للمزيد تابعنا عالفيس بوك